Jozefina Topalli vijon me sulme të ashpra ndaj kryetarit të Partisë Demokratike Lulzim Basha. Në emisionin HARD TALK NGA ROLAND QAFOKU ish-kryetarja e Kuvendit deklaroi se Basha është i blerë dhe partia që ai drejton nuk mund të funksionojë kur kryetari është i blerë. Pyetjes së gazetarit Qafoku se si e vërteton këtë akuzë të rëndë Topalli tha se fitimi i procesit gjyqësor në Strasburg për pallatin e prishur në Vlorë prek 16 milionë euro është blerje e pastër e Bashës nga qeveria.
-Nëse dikush del dhe më thotë se kishte pseudo-opozitë, qoftë nga socialistët, qoftë nga PD unë do iu kërkoja të falur të gjithëve. Ishte mbijetesë për të ruajtur opozitarizmin që rrezikonte të zhdukej. Ndërsa sot është e blerë. Dhe prandaj flas sot.
-Kush e ka blerë?
-Sigurisht që qeveria.
-Si e vërtetoni këtë zonjë? Se kjo është e rëndë.
-Dhe është gjëja më e vërtetë. Faktet ekëtyre viteve flasin për një gjë të tillë. Fillon nga çadra, pastaj nga mbrojtja që qeveria i bëri për të marrë paret e pallatit, nga shitja që i është bërë Rrugës së Kombit, nga shitja e çështjes së Astirit, nga shitja e çështjes së Teatrit. Të gjitha këto çështje lidhen me projekte të mëdha, ndërtimesh, godinash ku janë pjestarë oligarkët.
-Keni dokumenta dhe fakte zonjë?
-Këto janë fakte politike.
-Ju thoni e shiti, e shiti do të thotë të japësh dhe të marrësh lekë. Si?
-Vendimi i Strasbourgut nuk ishte 16 milionë euro?
-Çdo njeri ka të drejtë të hapë një proces gjyqësor.
-Sigurisht që ka të drejtë, por nuk ka ndodhur në historinë e tre dekadave që kryeministri të kujdeset që kryetari i opozitës të marrë 16 milionë euro. /Fjala.al/Ke.Ba</
