I bënte thirrje të gjithëve të jenë të kujdesshëm dhe të mos e kuptojnë si lojë infektimin me COVID-19. Familjarët e tij e kanë shpërndarë videon me qëllim që të tjerët të shohin pasojat e koronavirus dhe të ndërgjegjësohen për rrezikshmërinë serioze të viruait. Mesazhi i të ndjerit i cili ndërroi jetë në moshën 62- vjeçare i ka përlotur të gjithë.
Yaşar Ünal, 62-vjeç nga Turqia, ka humbur jetën në spital ku po trajtohej kundër koronavirusit. Ai kishte realizuar një video me telefon para se të dërgohej në qendrën e kujdesit intensive, ku dëgjohet duke thënë “mos e sprovo askënd tjetër me këtë”.
I ndjeri ishte baba i dy fëmijëve dhe muajin e kaluar ishte pranuar në spital pasi kishte ankesa të mëdha për kollitje dhe temperaturë të lartë.
Unal pas marrjes së testit e kuptoi se kishte rezultuar pozitiv me COVID-19 dhe pas përkeqësimit të gjendjes ishte dërguar në qendrën e kujdesit intensiv.
Pas 12 ditëve trajtim, atë e intubuan ku për pesë ditë luftoi për mbijetesë. Për fat të keq nuk e fitoi betejën.
“Sot është dita ime e tretë në spital, jam shumë keq. Kam probleme me frymëmarrje dhe me tensionin e lartë të gjakut. Kollitja për asnjë moment nuk po më lëshon. I lutem zotit që askush të mos preket nga ky infeksion. Unë u bëra vonë, por mos u bëni ju. Dua të falënderoj të gjithë”, dëgjohet duke thënë i ndjeri.
Pasi u varros me prezencën e rrethit të ngushtë të familjes, ata mbetën të habitur kur mbushën telefonin e tij me energji elektrike, dhe pasi e ndezën gjetën një video që Unal e kishte filmuar para se të dërgohej në qendrën e kujdesit intensiv. Ru. Do/ Fjala.al
