Një zjarr ka rënë në Kënetën e Dervenit në Fushë-Krujë. Sipas informacioneve mësohet se një sipërfaqe e gjerë me kallamishte është përfshirë nga flakët në Kënetën e Dervenit, e cila ishte tharë përgjatë verës.
Zjarri ka djegur deri tani një sipërfaqe prej më shumë se 5 hektarë kallamishte si dhe ka djegur një sipërfaqe me pemë frutore.
Jo larg zjarrit ndodhen edhe disa banesa, të cilat rrezikohen nga përhapja e flakëve.
Zjarrfikësja e Niklës ka mbërritur në vendngjarje dhe po mundohen të lokalizojë flakët, ndërsa në ndihmë të saj është nisur dhe zjarrfikësja e Krujës, për shkak se flakët po përhapen me shpejtësi.
Zjarri ka dëmtuar dhe faunën, që strehohet në këtë kënetë, si shpendë, lepuj, etj./Bl.Ba/Fjala.al
