Pas publikimit të ‘Gazeta Fjala’ e cila zbuloi e para kallëzimin penal të juristit dhe avokatit Kujtim Cakrani lidhur me proklamatën origjinale të Pavarësisë bëhet me dije se kallëzimi i ka kaluar Prokurorisë së Tiranës.
SPAK pak ditë më parë ka marrë në dorë një denoncim aq të rrallë por edhe të rëndësishëm. Në pesë faqe kallëzim është kërkuar që të gjejë proklamatën origjinale të pavarësisë të firmosur më 28 nëntor 1912 si aktin themeltar të shtetit shqiptar.
Kjo është bërë publike ekskluzivisht në emisionin HARD TALK NGA ROLAND QAFOKU në FJALA TV. Është fakt historik që proklamata origjinale nuk ekziston dhe për këtë është debatuar dhe diskutuar shumë, por tashmë kjo çështje ka kaluar në dorën e institucionit më të rëndësishme të drejtësisë shqiptare.
Denoncuesi i saj është juristi dhe avokati i njohur Kujtim Cakrani i cili është njëkohësisht dhe pasardhësi i një prej firmëtarëve të pavarësisë Hajredin BEJ Cakrani. Denoncimi është dorëzuar më datën 1 shtator dhe sot avokati Cakrani ka zbuluar se përsa i përket kallëzimit penal me objekt: “Kryerjen e veprimeve hetimore për zhdukjen e Deklaratën Origjinale të Pavarësisë Shqipërisë, sot u njoftova nga Drejtuesi Prokurorisë Posaçme Antikorrupsion Z. Arben Kraja se këtë çështje ja ka kaluar për kompetencë Prokurorisë Tiranës!
Nuk më duket një vendim i drejtë pasi institucionet e kallëzuara apo personat përgjegjës natyrisht që janë subjekt i SPAK.
Megjithatë unë do vazhdoj në rrugën time për zbardhjen e kësaj çështje me qëllimin e vetëm gjetjen e dokumentit themeltar të shtetit”, shkruan juristi Cakrani./Bl.Ba/Fjala.al
