Kuvendi pritet të miratojë sot ngritjen dhe përbërjen e komisionit të posaçëm parlamentar që do të shqyrtojë dhe përzgjedhë kandidaturat për organet drejtuese të Komisionit Qendror të Zgjedhjeve.
Në diskutim janë postet e Komisionerit Shtetëror të Zgjedhjeve, Nënkomisionerin Shtetëror të Zgjedhjeve, Komisionit Rregullator, Komisionit të Ankimimeve dhe Sanksioneve.
Sipas marrëveshjes së dakordësuar në Këshillin Politik, komisioni përzgjedhës do të përbëhet nga përfaqësues të shumicës socialiste dhe opozitës. Deputetët Alket Hyseni, Adnor Shameti e Damian Gjiknuri nga PS-ja, Edmond Stojku dhe Myslim Murrizi nga opozita parlamentare dhe Oerd Bylykbashi nga opozita e bashkuar.
Deri më sot për 12 postet kanë paraqitur kandidatura mbi 20 persona, mes të cilëve edhe ish-kryetarja e KQZ-së Lefterie Lleshi. Afati për të shprehur kandidaturën për një nga postet në KQZ është deri më 18 shtator.
Po gjatë ditës së sotme pritet që opozita parlamentare të zhvillojë interpelancë me ministrin e Mjedisit dhe Turizmit, Blendi Klosi në lidhje me ndotjen që po raportohet në Liqenin e Prespës. Ru. Do/ Fjala.al
