Pas arrestimit të Eldi Dizdarit, i cili ishte i përfshirë në trafikun ndërkombëtar të drogës, ka ardhur edhe reagimi i Policisë së Dubait. Ky i fundit ishte i përfshirë specifikisht në trafikun mes Amerikës së Jugut dhe Evropës dhe u vu në pranga në kuadër të operacionit “Los Blancos”.
Matoshi konsiderohet nga policia e Dubait si një udhëheqës i bandës shqipfolëse “Kompania Bello”, një sindikatë transnacionale e krimit të organizuar e përfshirë në trafikimin e drogës dhe operacionet e kontrabandës midis Amerikës së Jugut dhe Evropës me një vlerë prej 350 milion euro.
Koloneli Saeed Al Qamzi, drejtori i Departamentit të Personave të Kërkuar në Policinë e Dubait, tha se prej kohësh shqiptari ishte në vëzhgim.
“Së bashku me drejtuesit e tjerë të bandave, i dyshuari arriti të kontrabandonte dhe transportonte qindra ton drogë në Evropë përmes porteve detare dhe t’i shiste ato te përdoruesit e drogës,” shpjegoi koloneli i policisë së Dubait Al Qamzi.
Shqiptari pritet që t’i dorëzohet autoriteteve italiane.
Veprimtaritë e paligjshme të bandës ishin hetuar që nga viti 2015 nga Shërbimi Ndërkombëtar i Bashkëpunimit Policor Italian (SCIP) dhe Njësia e Skuadrës Fluturuese në Stacionin Kryesor të Policisë në Firence.
Pa.Va/Fjala.al
