Teuta do të jetë skuadra e parë shqiptare që do të zbresë në fushën e blertë pas pak, për t’u përballuar në kuadër të turit të dytë eliminator të Ligës së Evropës me Granadën dhe janë shpallur tanimë edhe formacionet zyrtare të këtij takimi që nis në ora 16:00.
Organizimin e mesfushës, trajneri Edi Martini i ka besuar ish-futbollistit të Tiranës dhe Skënderbeut Asion Daja, i cili do të debutojë për durrsakët pikërisht ndaj spanjollëve. Pjesa tjetër e skuadrës mbetet thuajse e pandryshuar, me përjashtim të Beqjas, që merr vendin e Todorovskit të dëmtuar.
Sulmuesi Blerim Krasniqi do të mbështetet nga krahët me Emiljano dhe Lorenco Vilën. Takimi luhet në stadiumin “Niko Dovana” dhe transmetohet në platformën me pagesë, “Supersport”. Në krahun e andaluzianëve, trajneri Diego Martinez ka hedhur në sulm ish-futbollistin e Real Madridit dhe Valencias, veteranin Roberto Soldado.
Teuta – Granada
Formacionet zyrtare:
Teuta: Frashëri, Kuro, Arapi, Hoxha, Beqja, Avdyli, Aleksi, Daja, E.Vila, L.Vila, Krasniqi. Trajner: Edi Martini.
Granada: Silva, Diaz, Sançez, Duarte, Neva, Montoro, Gonalo, Puertas, Herrera, Kenedi, Soldado. Trajner: Diego Martinez.
