Cikloni “Ianos” ka goditur tashmë brigjet e Greqisë duke sjellë dëmtime në infrastrukturë në ishujt e Kefalonisë dhe Zakynthos.
Cikloni i goditi brigjet greke në orën 04:00 të mëngjesit të sotëm me orën lokale. Por, meteorologët kanë bërë një zbulim të papritur në lidhje me rrugëtimin e tij.
Ndryshe nga sa ishte parashikuar, meteorolohët grekë kanë zbuluar mëngjesin e sotëm se cikloni ka ndërruar itinerar duke mos vijuar në drejtim të Atikës dhe përmes Greqisë.
Zakynthos, Ithaca dhe Kefalonia janë 3 ishujt ku cikloni ka lënë më shumë dëme duke shkatërruar varka në mole, përmbytje rrugësh dhe dëme të mëdha.
Në orët e fundit cikloni është infensifikuar teksa zv/ministri i brendshëm, i ngarkuar për Emergjencat Civile paralajmëron se 6-9 orët e ardhshme janë vendimtare për pjesën greke të goditur.
Jugu i Greqisë pritet ende të goditet më shumë nga cikloni, teksa erërat dhe shiu që e karakterizon do të arrijë deri në rajonin e Atikës, ku ndodhet kryeqyteti Athina.
Cikloni ka një “sy” me perimetër 50 kilometra, ndërsa erërat në atë zonë kanë një shpejtësi rreth 90 km/h.
Lajmi i mirë është se deri tani grekët janë treguar të kujdesshëm dhe kanë marrë masat pasi asnjë i lënduar nuk është regjistruar nga cikloni dhe forca e tij./Bl.Ba/Fjala.al
