Sherri i mbrëmshëm i cili përfundoi me plagosjen e 45-vjeçarit Spartak Beqaraj, ka nisur me diskutimet pse më sheh, i riu është konfliktuar me Beqarajn për këtë shkak e më pas e ka kanosur dhe qëlluar me armë në këmbë.
I plagosuri 45-vjeç ka qenë i ulur në ambientet e lokalit, më pas për sqarimin e situatës me 20-vjeçarin e shpallur në kërkim është ngritur në pjesën e jashtme të lokalit ku dhe është qëlluar me plumb.
Beqaraj tashmë ndodhet jashtë rrezikut për jetën. Ndërkohë, policia krahas identifikimit të autorit të dyshuar, 20 vjeçarit Aleksandër Mehmetaj, ka shpallur në kërkim dhe 2 persona të tjerë të përfshirë në këtë ngjarje.
Dy të shpallurit në kërkim janë E. D., 22 vjeç dhe E.C, 19 vjeçe. Këta dy të fundit janë në kërkim për moskallzim të krimit./Bl.Ba/Fjala.al
