Para tre ditësh Doktor Pëllumb Pipero u nderua me titullin e lartë “Qytetar Nderi” në qytetin e Skraparit. Në një kohë kur janë të ndaluara grumbullimet e përqafimet për shkak të pandemisë, Pipero u prit me buqeta me lule e përqafime nga qytetarët e Skraparit, miqtë, kolegët dhe familjarët e tij.
Por në lidhje me këtë aktivitet pati një reagim të fortë në rrjete sociale pasi ai u shfaq duke përqafuar qytetarë pa respektuar masat anticovid.
Në një lidhje direkte me Report Tv, Pipero kërkoi ndjesë publike për atë ceremoni. Ai tha se është një shembull për tu evituar.
“Ishte një gabim që duhej evituar. Duhet të ishim treguar më të kujdesshëm. Emocionet ishin shumë të mëdha. Është një shembull që nuk duhej të ishte ndjekur. Një ndjesë publike për atë që ndodhi. Duhej ta kishim shmangur” – u shpreh ndër të tjera Pipero.
Pa.Va/Fjala.al
