Ka qenë një ditë plot tensione dhe debate mes deputetëve në Kuvendin e Shqipërisë. Pas përplasjes mes Spiropalit dhe Hajdarit një tjetër debat ka ndodhur në Kuvend mes deputetit të Ballit Kombëtar, Adriatik Alimadhi dhe kryeparlamentarit Gramoz Ruçi.
Debati nisi pasi Alimadhi u ngjit në foltore pa iu miratuar koha për të folur nga Ruçi.
Përplasja degradoi kur Alimadhi iu drejtua Ruçit komunist.
“Komunist i ndyrë, e di çfarë të bëj apo jo?”,-tha Alimadhi.
Në debat ndërhynë dhe deputetë të tjerë të Kuvendit të cilët u përpoqën që të ulnin tonet e konfliktit.
Debati i plotë:
Alimadhi: Komunist i ndyrë, e di çfarë të bëj apo jo?
Ruçi: Je fatkeq për identitetin që ke. Po të jap vërejtje do të përjashtoj nga seanca.
Atëherë je i përjashtuar nga seanca. Dy minuta pushim, shërbimet e Kuvendit ta nxjerrin përjashta.
Nese nuk del do i kërkoj sekretariatit 10 ditë përjashtim
Alimadhi ka vazhduar të flasë në foltore, dhe më pas deputetët e opozitës së re janë afruar që të bindin Alimadhin të largohet nga foltorja.
Ruçi: Zoti Gjuzi, largohu
Ruçi ka vijuar duke i thënë Alimadhit:
Ruçi-Alimadhit: O trim, largohu nga foltorja o trim, se është shekulli i mendjes, jo i forcës.
Alimadhi: Nuk mendoj se ish-partisë kriminale komuniste, sot Partia Socialiste të na përfaqësojë…
Ruçi: Ku është procedura këtu. Ulu. S’ke replikë. Ta kam hequr fjalën. Po më the komunist dhe ballist, jemi ndarë që në ’44-n.
Alimadhi: Ky podium ka pasur deputetë të ndryshëm të partisë kriminale komuniste…
Ruçi: Ulu. Po të tërheq vëmendjen se ke bllokuar foltoren. Jam i lumtur në identitetin tim, ti duhet të jesh fatkeq për identitetin tënd. Ulu. Po të jap vërejtje, do të përjashtoj nga seanca.
Dy minuta pushim, shërbimet e Kuvendit ta nxjerrë jashtë deputetin. Nëse nuk del, do të përjashtohesh me 10 ditë./Jo.Be/Fjala.al
