Prej më shumë se dy orësh RENEA është angazhuar në Elbasan për të arrestuar 71-vjeçarin, Lefter Zhidru. Ky i fundit shkaktoi trazira ditën e sotme në qytet pasi qëlloi drejt Policisë, e cila shkoi ta arrestonte, duke plagosur edhe dy kalimtarët Abdenauer Kndraxhiu dhe Ledjo Saraci.
Ndërsa forcat RENEA pritet të ndërhyjnë nga momenti në moment raportohen edhe lëvizjet e fundit të 71-vjeçarit. Mësohet se ai ka qënë duke ndjekur raportimet në media dhe është irrituar me disa prej informacioneve të publikuara. Që të qetësohet psikologjikisht është ndërprerë energjia elektrike.
Kujtojmë që konfliktin Zhidru e pati me bashkëshorten, e cila i shpëtoi fatmirësisht plumbave. Por me të ardhur policia i moshuari nisi rezistencën me armë. Deri më tani nga banesa janë nxjerrë bashkëshortja dhe vajza e çiftit.
Ndërkohë, kjo e fundit ka tentuar ta qetësojë dhe ta bindë të dorëzohet të atin, duke komunikuar me të në telefon.
Pa.Va/Fjala.al
