“ I ashtuquajturi përurim dhe mandati i ri i pretenduar nga Aleksandër Lukashenko nuk kanë asnjë legjitimet demokratik. Përurimi kundërshton drejtpërdrejt vullnetin e pjesës më të madhe të qytetarëve të Bjellorusisë të cilët protestojnë që nga dita e zgjedhjeve. Ky betim thellon edhe më tej krizën politike në Bjellorusi” thuhet në deklaratën e 27 vendeve anëtare të unionit.
Bashkimi Evropian e cilëson të paligjshëm betimin e Aleksandër Lukashenko si president i Bjellorusisë.
Edhe një zëdhënës i departamentit amerikan të shtetit deklaroi se Lukashenko nuk është presidenti legjitim i Bjellorusisë.
Një ditë më parë në një ceremoni të paparalajmëruar 66-vjeçari u betua për një mandat të gjashtë në krye të shtetit edhe pse opozita dhe faktori ndërkombëtar nuk i njohin rezultate e zgjedhjeve presidenciale të 9 gushtit te fituara nga Lukashenko.
Opozita e përfaqësuar nga tri gra, disa prej të cilave po zinin vendin e partnerëve të burgosur nga policia, e ftoi popullin në protesta që zgjatën me javë të tëra dhe që krijuan përplasje të dhunshme.
Përgjigjja e Lukashenkos ishte e vendosur, aq sa dy prej grave opozitare braktisën vendin dhe u strehuan në shtete fqinje.
I bindur që bëhet fjalë për një ndërhyrje nga perëndimi për të prishur rendin dhe qetësinë në vendin e tij, Lukashenko nuk ngurroi të dërgojë ushtrinë në kufi dhe t’i kërkojë Putinit që të shprehet haptazi që në rast sulmi, Rusia do të ndërhynte ushtarakisht për ta ndihmuar.
Përgjigjia e Lukashenkos ndaj dorëheqjes së gazetarëve ishte se dhe po të mbeteshin vendet bosh, do të merrte gazetarë nga Rusia që mediat të vazhdonin punën. Ru. Do/ Fjala.al
