Një oficer policie është qëlluar për vdekje me armë zjarri brenda ambienteve të një stacioni policie në Londër nga një person që ishte ndaluar prej tij.
Ngjarja e rëndë u regjistrua në stacionin e policisë në Croydon në jug të Londrës, ku i dyshuari nxori një armë dhe qëlloi disa herë oficerin dhe veten.
Efektivi u ndihmua menjëherë nga mjekët, por ndërroi jetë disa orë më vonë për shkak të plagëve të marra, ndërsa agresori, një 23 vjeçar, vijon të jetë në spital në gjendje kritike për jetën.
Është ende e paqartë se si i dyshuari hyri i armatosur në ambientet e stacionit të policisë, ndërkohë që ka nisur një hetim për zbatimin e rregullores, e cila në këtë rast dështoi.
