Luis Suarez u largua nga Barcelona si një lojtar i padëshiruar pavarësisht se ai është një nga sulmuesit më të mirë në historinë e klubit.
Statisitikat e uruguajanit ishin me të vërtetë mbreslënëse së bashku me numrin e trofeve ku ai arriti të fitonte plot 13 të tillë. Uruguajani shpërtheu në lot në ceremoninë e largimit nga klubi katalanas. Kjo gjë nuk mund të kaperdihej kollaj nga Lionel Messi, i cili pak javë më parë bëri namin për tu larguar nga klubi. Ai sulmoi edhe njëherë klubin duke u shprehur se Suarez nuk e meritonte një largim të tillë.
” Unë tashmë isha duke u mësuar me idenë, por sot hyra në dhomën e zhveshjes dhe karta ra vërtet. Sa e vështirë do të jetë të mos vazhdosh të ndash çdo ditë me ty, si në gjykata ashtu edhe jashtë. Do të na mungojnë aq shumë. Ishin shumë vite, shumë shokë, dreka, darka … Shumë gjëra që nuk do të harrohen kurrë, çdo ditë së bashku.
Do të jetë e çuditshme të të shoh me një fanellë tjetër dhe shumë më tepër të të kem rival. Meritoje të largoheshe si një nga lojtarët më të rëndësishëm të historisë së klubit dhe jo të të tregonin derën kështu. Por, kështu siç kanë ardhur punët, nuk habitem nga asgjë”, shkruan ylli argjentinas.
Me postimin e tij është dakort edhe ylli i PSG, Neymar, pjesa plotësuese e treshes së frikshme të sulmit MSN, që për hir të së vërtetës ka qenë një nga më të mirët në historinë e klubit.
“E pabesueshme si i bëjnë gjërat”, shkruan Neymar, i cili mbështet Messin dhe shigjeton klubin katalanas.
Pa.Va/Fjala.al
