Kryeministri u shpreh sonte se do ta japë herë tjetër njoftimin nëse do të jetë ose jo deputet në Vlorë.
Fillimisht u përfol se Rama do të kandidonte në qarkun e Durrësit, pasi e vendosi veten e tij si drejtues politik në këtë qark, por pas deklaratës së djeshme në Vlorë ku u shpreh se nuk lëviz nga ai qytet, u mendua se kandidimi i tij do të ishte edhe një herë tjetër në Vlorë.
Deklarata e sotme e Ramës vjen pas takimeve që ai zhvilloi në qytetin e Vlorës me drejtorët dhe Asamblenë e partisë në këtë qytet.
Ai u kërkoi drejtorëve të ishin të vëmendshëm ndaj kërkesave të qytetarëve, ndërsa tha se administratat janë përmirësuar shumë, edhe pse kanë akoma punë për të bërë.
“Punët kanë kohën dhe radhën e tyre. Nëse do jem apo jo deputet në Vlorë do të njoftohet në kohën e duhur. Administratat janë përmirësuar, por kanë ende shumë për të bërë. Njerëzit kanë ku të ankohen për administratat”, tha Rama ndër të tjera.
