Momentalisht është duke u luajtur supersfida e Serie A, Roma-Juventus. Pjesa e parë përfundoi 2-1 për verdhekuqtë ku autorët e golave janë Veretout dy herë dhe Cristiano Ronaldo. Por ajo që bie më shumë në sy është performanca e shkëlqyer e Marash Kumbullës. Mbrojtësi i Kombëtares kuqezi po zhvillon një ndeshje fantastike edhe pse ka përballë lojtarë të klasit botëror si Ronaldo apo Dybala. Ai u ble pak javë më parë nga Roma dhe sot luan si titullar në një sfidë tepër të rëndësishme të verdhekuqve. Kumbulla është shndërruar në një çelik në mbrojtjen e kryeqytetasve aq sa është ndëshkuar edhe me karton të verdhë për shkak të lojës së tij të fortë. Mesa duket talenti kuqezi ka qenë zgjedhja e duhur e Romës për të riparuar problemet në prapavijë.
Pa.Va/Fjala.al
