Ditën e sotme është ndarë nga jeta shkrimtarja e njohur për fëmijë, Shpresa Vreto.
Ajo ka botuar libra të njohur si “Dëbora e Madhe”, “Aventurat e Shigjetarit të vogël”, apo edhe “Kallëza e grurit dhe harabeli”. Vreto gjithashtu ka shkruar skenarin e filmit vizatimor “Mirela”. Në vitin 1981 së bashku me Xhanfizé Kekon kanë realizuar skenarin e filmit “Kur xhirohej një film”. Pas pesë vjetësh vjen e vetme si autore në realizimin e filmit “ Fillim i vështirë”.
Me Petrit Rukën ka bashkëpunuar në filmin “Një djalë dhe një vajzë” në vitin 1990. Disa nga librat që ka shkruar Vreto janë: “Shokë Shkolle”, “Vit i paharruar” etj. Pas viteve 1990 ka ideuar “Sirena e vogël” dhe “Bota ime”. Gjithashtu ka drejtuar një bibliotekë për fëmijë, për 12 vjet rresht.
Vreto ndërroi jetë në moshën 76-vjeçare.
Pa.Va/Fjala.al
