Miratohen në parim propozimet për ndryshimet në Kodin Zgjedhor, nesër diskutohen nen për nen. Dy nismat e propozuara nga Grupi Demokrat dhe PS do të bashkohen në një të vetme dhe do diskutohen nesër.
“Bashkimi i nismave në një dhe të gjithë amendamentet dhe të kolegëve të tjerë do të bashkohen dhe do të shqyrtohen në një tekst të integruar. Nesër diskutime për ndryshimet nen për nen,” është shprehur Manja.
Në përfundim të bisedimeve ka pasur një debat mes Manjës dhe Korab Litës, i cili është shprehur kundër ndryshimeve.
“Ti nuk kupton shqip se çfarë të them. Ty do të përkthejmë shqipen tani, se e ke mësuar në Kamëz,” ka ironizuar Manja Korab Litën.
