Fund tragjik ka qenë për një shqiptar i cili i ka dhënë fund jetës me vetëvarje në qelinë e burgut. Ngjarja e rëndë ka ndodhur në një burg në Bologna të Italisë.
Një 40-vjeçar shqiptar i ka dhënë fund jetës së tij në qeli, ndërsa bëhet me dije se shoku i qelisë nuk e ka kuptuar fare.
Ngjarja ka ndodhur midis të shtunës dhe të dielës. Siç raportojnë mediat italiane, ai kishte disa muaj që kishte rënë në burg pasi ishte kapur duke vjedhur në shtëpinë e një zyrtari publik dhe madje kishte bërë edhe rezistencë.
Shqiptari ishte në pritje të gjyqit, ndërsa orët e fundit para se të merrte vendimin ekstrem kishte kërkuar që të fliste në telefon me familjarët e tij.
“Ka një nevojë urgjente për të zhvilluar strategji që mund të bëjnë më efektive zbatimin e planit kombëtar për parandalimin e sjelljeve vetëvrasëse në burg’,- tha në një shënim Antonio Ianniello, garantuesi për të drejtat e njerëzve të privuar nga liria personale./ Bl.Ba/Fjala.al
