Gjykata e Lartë spanjolle ka shkarkuar dje presidentin e Katalonjës Quim Torra, por ky vendim nuk është pritur aspak mirë nga qytetarët e Katalonjës. Ata menjëherë kanë dalë në rrugë duke kundërshtuar veprimin e gjykatës spanjolle.
Protesta është thirrur nga Komitetet për Mbrojtjen e Republikës. Pas thirrjes, rrugët e Barcelonës u mbushën me protestues. Në sheshin Sant Jaume në Barcelonës, tubimi në mbështetje të presidentit të shkarkuar ishte e qetë, megjithëse nuk ishte pa polemikë. Mësohet se policia ka arrestuar pesë prej protestuesve.
Pas shkarkimit, ish-presidenti i Katalonjës, Quim Torra u fut në mes të qindra protestuesve që ishin në sheshe për të mbështetur atë.
Protestuesit u përpoqën të mbanin një distancë sigurie, por Torra anashkaloi protokollin e krijuar nga organizatorët e protestës.
Organizatorët e protestës, Komitetet për Mbrojtjen e Republikës kanë vendosur që si simbolikë të protestës të kenë kokat e derrit.
Organizatorët kanë hedhur shumë koka derri në rrugën që ndodhet në afërsi të godinës qeveritare në Barcelona.
Kjo protestë vjen në një kohë kur qeveria spanjolle ka vendosur që të shtrëngojë dhe më tepër masat për të parandaluar përhapjen e Covid-19.
La.Mi/Fjala.al
