Edhe pse situata në botë është ende e paqartë për shkak të epidemisë së virusit korona, puna për të pritur Botërorin e 2022-shit në Katar vazhdon.
Sapo ka përfunduar një nga komplekset në plazhet e Katarit do të përdoret nga disa prej përfaqësueseve të futbollit që do të marrin pjesë në këtë Botëror. Resorti “Salua” përfshin një hotel me 361 dhoma, 84 vila luksoze, 31 apartamente, një qendër tregtare dhe një park ujor krejt të ri.
Ai është ndërtuar pranë kufirit midis Arabisë Saudite dhe Katarit. Pamjet e ndërtesave janë të mrekullueshme, ambjentet brenda tyre janë tepër komode, me të gjitha kushtet. Në një tabelë shkruhen udhëzimet për zona të ndryshme brenda resortit, të cilat përfshijnë një qendër tregtare, një fshat arab dhe një park ujor.
Parku ujor, hyrja në “Shpellat e Detit”, rrëshqitjet në ujë, me shumë variacione e fantazi. Shenjat që inkurajojnë njerëzit të respektojnë distancimin shoqëror.
“Edhe pse bota është e izoluar nga epidemia, ne po vazhdojmë punën për organizimin sa më të përsosur të Botëorit të Futbollit në 2022-shin”, – tha Jan Mënkediek, Drejtor Administrativ i “Hilton Salwa Beach Resort”.
“Do të ketë skuadra futbolli që do të qëndrojnë këtu, – ka vijuar ai. – Ne kemi 3 fusha futbolli me përmasat e miratuara nga FIFA, ku mund të stërviten ekipet që do të qëndrojnë këtu.” Me pak fjalë, sikundër pritej, Botërori i 2022-shit premton një jetë një Botëror me “5 yje”./Bl.Ba/Fjala.al
