Përmbys deficitin e pjesës së parë dhe ngadhënjen më pas nga goditjet nga pika e bardhë. Kupa e Ligës Angleze ka vijuar takimet e turit të saj të 16-shes dhe Rrjeti i Radio-Televizionit Shqiptar ka sjellë për sportdashësit drejtpërdrejt, në kanalin RTSH Sport, takimin e spikatur të mbrëmjes, derbin londinez midis Totehnemit dhe Çellsit.
Miqtë kanë qenë më mbizotërues në lojën në pjesën e parë, duke gjetur edhe golin në minutën e 19-të, me një goditje të zgjuar të gjermanit Timo Verner.
Përtej lojës më të mirë të bluve londinezë, të drejtuar nga ish-lojtari Frenk Lampard, ky gol do të mbetet në fuqi në mbyllje të pjesës së parë.
Ndërsa ajo e dyta shikon skuadrën e Totenhemit, të drejtuar nga ish-trajneri i Çellsit, Zhoze Murinjo, ta kërkojë më tepër golin dhe do të arrijë ta gjejë atë 6 minuta para fundit, me anë të Erik Lamelasë.
Koha e rregullt e këtij derbi të Kupës së Ligës Angleze do të mbyllet kështu në barazim 1-1. Dhe, në bazë të formulës së kësaj veprimtarie, gjithçka do të vendoset nga goditjet e 11-metërshva.
Aty ku lojtarët e Totenhemit tregohen më të saktë, duke i shënuar të 5 goditjet e tyre, ndërsa i riu Maunt gabon për Çellsin në goditjen e 5-të dhe të fundit, duke i dorëzuar kështu kualifikimin kundërshtarëve./Bl.Ba/Fjala.al
