Përleshje e përgjakshme mes emigrantëve në Bosnje, dy të vdekur dhe dhjetë të plagosur rëndë
Dy persona u vranë, dhjetë u plagosën rëndë dhe tetë më lehtë në përleshjet midis migrantëve në vendbanimin Zhegar në Bihaç, në veriperëndim të Bosnje dhe Hercegovinës.
Lajmin e konfirmoi për Shërbimin e Ballkanit të Radios Evropa e Lirë Alle Shildediç, zëdhënës i policisë në kantonin Una-Sana. Incidenti ndodhi mbrëmjen e së mërkurës.
“Bëhet fjalë për pakistanezë, që thuhet se i kanë sulmuar afganët. Plagët janë shkaktuar me armë të ftohta”, tha Shildediç.
Vlerësohet se aktualisht në Bosnje dhe Hercegovinë ndodhen rreth 8,500 migrantë dhe refugjatë. Rreth 6000 prej tyre janë vendosur në shtatë qendra pranimi.
Sipas tij, hetimet janë në vazhdim e sipër. Ru. Do/ Fjala.al
