Përfaqësuesi i PD në Këshillin Politik thotë se PS po dëmton konsensusin. Në një deklaratë për mediat, para nisjes së mbledhjes, Oerd Bylykbashi u shpreh se ky qëndrim i PS, duke mos i dërguar kërkesën ODIHR rrezikon edhe hapjen e negociatave.
Sipas tij, mazhoranca po mban peng dërgimin e kërkesës së tyre tek OSBE-ODIHR, institucion nga i cili opozita e Bashkuar pret opinion për çështjen e garimit të lirë në zgjedhje me koalicionet siç janë sot.
“Kemi kërkuar t’i drejtohemi ODIHR për çështjen e garimit të lirë në koalicione siç janë sot në përputhje me Kushtetutën. Ka dy javë që PS refuzon të dërgojë kërkesën pranë ODIHR.
Me këtë veprim bllokon marrëveshjen e 14 janarit si dhe po bllokon mbledhjen e Këshillit Politik, ata po ashtu po vënë në rrezik edhe procesin e hapjes së negoaciatave me BE”,- tha Bylykbashi./Bl.Ba/Fjala.al
