Ditën e sotme në Nyon të Zvicrës u hodh shorti i Champions League për fazën e grupeve. Një sërë sfidash interesante dhe përballje titanësh u rezervuan nga përzgjedhja e goglave, por ajo që spikati më shumë ishte rikthimi i duelit Cristiano Ronaldo vs Lionel Messi.
Megjithatë për tifozët shqiptarë ky edicion i Ligës së Kampionëve është unik edhe për arsyen se do të ketë një numër të madh shqiptarësh që do të luajnë aty. Thomas Strakosha do të mbrojë portën e Lazios, Berat Gjimshiti do të jetë në prapavijën e Atalantës ndërsa Myrto Uzuni që luan në radhët e Ferencvarosit do të konkurrojë me Messin dhe Ronaldon për të shënuar sa më shumë gola. Por jo vetëm kaq pasi nuk duhet harruar Xherdan Shaqiri tek Liverpool, Vedat Muriqi tek Lazio si dhe dyshja Mërgim Berisha-Albert Vallci tek Salzburg.
Pra, plot 7 lojtarë me origjinë shqiptare, 3 nga të cilët mbrojnë ngjyrat e Kombëtares tonë do të jenë këtë sezon në Champions League.
Pa.Va/Fjala.al
