Policia e Kavajës ka vënë në pranga një 26-vjeçar i shpallur në kërkim për një sërë vjedhjesh.
Pas denoncimit të një qytetari nga Golemi se ishte vjedhur marketi në pronësi të të shtetasit K. Gj., 30 vjeç, policia ka nisur hetimet për kapjen e autorit.
Bazuar në pamjet filmike të marra nga market i cili ishte vjedhur me thyerje, policia e Kavajës ka ngritur disa pika kontrolli për kapjen e autorit.
Si rezultat i kontrolleve të kryera është vënë në pranga 26-vjeçari më Fatbardh Peqini, banues në Elbasan.
Gjatë kontrollit të ushtruar këtij shtetasi i janë gjetur tri çantave disa pije alkoolike dhe artikuj të ndryshëm të vjedhur në marketin e shtetasit K. Gj., si dhe një sasi lekësh.
Gjithashtu, nga hetimet e kryera ka rezultuar se ky shtetas është autor i tentativës për vjedhje në banesën e shtetasit A. L. dhe autor i vjedhjes së sendeve personale të shtetasit F. K., në zonën e Spilles.
Ndërkohë, vijon puna për dokumentimin edhe të disa rasteve të tjera të vjedhjeve në të cilat mund të jetë i implikuar ky shtetas. Materialet do t’i referohen Prokurorisë Pranë Gjykatës së Shkallës së Parë Kavajë, për veprën penale “Vjedhja”. /Ra.My.Fjala,al/
