Trajneri i përfaqësueses së Kosovës, Bernard Shalondë ka publikuar listën e futbollistëve për tri ndeshjet e këtij muaji. “Dardanët” do të luajnë fillimisht më 8 tetor kundër Maqedonisë së Veriut në gjysmëfinale të “play-off”-it për kualifikim në Kampionatin Evropian në Shkup, ndërsa më pas në kuadër të Ligës së Kombeve do të luajnë kundër Sllovenisë më 11 tetor 2020 në Stadiumin “Fadil Vokrri” të Prishtinës dhe kundër Greqisë, më 14 tetor në Athinë.
Si zakonisht, Dardanët, do të akomodohen në hotel “Emerald”, ndërsa stërvitjen e parë do ta zhvillojnë të hënën në orën 19:00 në stadiumin “Fadil Vokrri” të kryeqytetit të Kosovës. Paraprakisht, të hënën, në orën 11:00, në hotel “Emerald”, trajneri Bernard Shalondë do të mbajë konferencë për shtyp.
