Ekspertët deklarojnë se 48 orët e ardhshme do të jenë kritike për Presidentin e SHBA-së Donald Trump, i cili ndodhet i shtruar në spital prej mbrëmjes së djeshme si pasojë e infektimit me Covid-19.
Mediat ndërkombëtare, bazuar te një burim, shkruajnë se parametrat jetësore të “Presidentit gjatë 24 orëve të fundit ishin shumë shqetësuese dhe 48 orët e ardhshme do të jenë kritike“.
Këto vlerësime bien në kundërshtim me njoftimet e mjekut të Shtëpisë së Bardhë Sean Coney i cili deklaroi pak më parë se Trump nuk po merr oksigjen, “ka qenë pa ethe dhe është shumë mirë“. ”Presidenti po bën shumë mirë” tha Dr. Sean Conley.
Conley u shpreh optimist se presidenti nuk do të ketë nevojë të oksigjenohet në të ardhmen. Ai gjithashtu tha që rrahjet e zemrës së presidentit dhe presioni i gjakut janë brenda kufijve normalë.
