Dy persona u konfirmuan se kishin ndërruar jetë dhe disa të tjerë kishin rezultuar të zhdukur pasi shiu i rrëmbyeshëm i sjellë nga Stuhia Alex shkaktoi përmbytje shkatërruese përgjatë bregdetit të Rivierës Franceze dhe zonave të brendshme. Shumë ura u shembën dhe rrugët u përmbysën ndërsa lumenjtë dolën nga shtrati i tyre.
Departamenti i Alpes-Maritimes kishte paralajmëruar më herët për mot të keq. Të shtunën në mëngjes ndërsa shirat u lehtësuan, u hoq paralajmërimi i nivelit të kuq, por ndikimi i përmbytjeve ishte ende i pranishëm.
Ekipet e shpëtimit dolën në terren gjatë natës dhe orëve të para të së shtunës, por po pengoheshin nga ujërat të cilat kishin bllokuar shumë rrugë në zonë.
Të premten në mbrëmje mijëra shtëpi mbetën pa energji.Si shërbimi i zjarrfikësve ashtu edhe autoritetet lokale u kërkuan banorëve të qëndrojnë në shtëpi.
Si pasojë e prurjeve të mëdha të ujrave, u shkatërrua një urë, u dëmtuan shtëpi, ndërsa u përmbytën stadiumi dhe varrezat.
Lumi Var gjithashtu ishte subjekt i një paralajmërimi të keq për përmbytje pasi nivelet e ujit u rritën në nivele rekord, sipas disa raporteve./Bl.Ba/Fjala.al
