A do të luhet supersfida Juventus-Napoli në Serie A? Ky është diskutimi më i madh në botën e sportit në Itali orët e fundit. Liga italiane e futbollit ka njoftuar se kjo sfidë është e parashikuar të luhet në orën 20:45, por ka shumë gjasa që skuadra e Napolit të mos zbresë në fushë. Shkaku? Covid-19.
Në sfidën ndaj Genoas lojtarët e Napolit patën kontakte me futbollistët e skuadrës që rezultoi me 14 raste pozitive. Ndërkohë nga Napoli rezultuan të prekur Elmas dhe Zielinski. Ata kanë patur gjithashtu kontakte me shokët e skuadrës, ndaj mjekët e skuadrës nuk rekomanduan që skuadra të zbresë në fushë. Megjithatë, protokolli i Serie A nuk parashikon asnjë lloj shtyrje të sfidës, e cila do të ndodhte vetëm në rast se do të kishte të paktën dhjetë raste pozitivite.
Për këtë arsye, Juventus do të zbresë në fushën e lojës dhe do të presë 45 minuta sipas rregullores, në fund të së cilës mund të dekretohet fitorja e ekipit të Pirlos. Në fund të pjesës së parë bardhezinjtë mund të kthehen në dhomat e zhveshjes me tre pikë plus dhe një fitore 3-0 në tavolinë. E padëgjuar më parë, por të presim e të shohim çdo të ndodhë.
Pa.Va/Fjala.al
