Deputetja Rudina Hajdari ka vizituar sot Tropojën, në vendlindjen e saj.
“E dua Tropojën. Jo vetëm sepse këtu i kam rrënjët dhe kujtimet e fëmijërisë, por mbi të gjitha sepse ka njerëz punëtorë e fisnikë dhe një natyrë magjepsëse”, shkruan ajo.
Gjithsesi, edhe pse e larguar nga PD, Hajdari u ‘detyrua’ nga një qytetar të ngrejë dy gishtat.
Postimi i Hajdarit
E dua Tropojën
Jo vetëm sepse këtu i kam rrënjët dhe kujtimet e fëmijërisë, por mbi të gjitha sepse ka njerëz punëtorë e fisnikë dhe një natyrë magjepsëse.
Takuam sot me qindra qytetarë dhe teksa jam plot mirënjohje për mbështetjen, më dhemb kur dëgjoj prej tyre pesimizimin për situatën në të cilën jetojnë i cili nuk është pa arsye.
Bizneset e vogla mezi po mbijetojnë dhe shteti jo vetëm nuk i ndihmon por u con rregullisht taksidarët militantë që duan lekë nën dorë.
Turizmi, i cili duhet të ishte prioriteti i cdo qeverie në një vend me natyrë përrallore, është goditur jo vetëm nga pandemia por edhe nga babëzia e cila ka shkatërruar Valbonën duke e futur lumin në tuba e shkatërruar ekosistemin.
Rinia po emigron dhe qyteti po plaket sepse nuk arrin dot më ti bëjë ata ta imagjinojnë jetën këtu.
Ata që e kanë shkaktuar këtë, të dyja palët, fajësojnë nga mëngjesi deri në darkë njëri tjetrin por askush nuk ofron zgjidhje.
Nuk kanë faj!
Nuk mund të ofrojë zgjidhje kurrsesi kush e ka shkaktuar problemin.
Zgjidhja vjen vetëm nëse e marrim guximin të bashkohemi përtej tyre, së pari për të ndëshkuar babëzinë e mbi të gjitha për t’ia rikthyer shtetin qytetarëve.
Kjo po ndodh ndaj edhe ka shpresë
Faleminderit Tropoja.
