Inter dhe Lazio u ndanë në barazim 1-1 në “Olimpico” në një sfidë shumë dinamike. Sfida mes dy skuadrave prodhoi gola, raste, kartona, polemika dhe në fund pikët u ndanë për secilën skuadër. Lautaro Martinez zhbllokoi rezultatin në minutën e 30’ duke mposhtur Strakoshën. Interi kaloi në avantazh falë golit të tretë të “Toro” në po kaq ndeshje këtë sezon. Në pjesën e dytë Lazio u zgjua disi nga gjumi dhe reagoi me Milinkovic Savic, i cili mposhti Handanovic pas një gjuajtje me kokë. Në minutën e 70’ Immobile u ndëshkua me të kuq pasi goditi në fytyrë Vidalin, ndërkohë që skuadrat u barazuan edhe me kartona të kuq kur Sensi u ndëshkua për po të njëjtën arsye. Inter tentoi t’i rikthehej avantazhit me Brozovic, por goditja e kroatit u ndal nga shtylla. Kështu, pas gjithë atyre luftimeve për të shënuar, sfida u nda në paqe për të dyja skuadrat.
Pa.Va/Fjala.al
