Tottenham ka shkatërruar Manchester United me shifrat tenistike 1-6 në “Old Traford”. Skuadra e Mourinho u tregua e pamëshirshmë në një sfidë mjaft të fortë ndaj “Djajve të Kuq”. Këta të fundit e nisën mjaft mirë sfidën duke shënuar më Bruno Fernades nga 11-metërshi në minutën e dytë. Por vetëm dy minuta më vonë “Spurs” reaguan me Ndombele duke barazuar shifrat.
Kaq mjaftoi që Tottenham të merrtë frenat e lojës duke realizuar sërish me Kane dhe Son dy herë. Kartoni i kuq i Martial përkeqësoi punët për United që e pa vetën në disavantazh 1-4 në pjesë të parë. E dyta i përkeqësoi edhe më shumë gjërat ku ekipi i Mourinho shënoi sërish me Aurier dhe Kane duke çuar rezultatin në 1-6. Kjo ishte një humbje e rëndë për Manchesterin dhe Solskjaer ndërkohë për Mourinho ishte një fitore e madhe hakmarrëse ndaj ish-klubit të tij që e shkarkoi nga detyra.
Pa.Va/Fjala.al
