Policia e Fierit ka arrestuar tre persona pasi nuk i janë bindur urdhrave të policisë rrugore.
Shtetasit A.M., 32 vjeç, F.M., 21 vjeç dhe T.Q., 47 vjeç nuk i janë bindur urdhrave të policisë së rendit ndërkohë që udhëtonin me 2 makina “Porsche” dhe “Ferrari”.
Kanë kundërshtuar me dhunë efektivët e policisë dhe i kanë kanosur për shkak të detyrës. Pas testit të alkoolit rezultoi se shtetasi A. M. drejtonte mjetin në gjendje të dehur.
NJOFTIMI NGA POLICIA
Fier
Vijon puna për parandalimin, evidentimin dhe goditjen e paligjshmërisë.
Arrestohen në flagrancë 5 shtetas, kapet 1 tjetër i shpallur në kërkim.
Specialistët për Hetimin e Krimeve në Komisariatin e Policisë Fier arrestuan në flagrancë, për veprat penale “Kundërshtimi i punonjësit të policisë së rendit publik” dhe “Kanosja për shkak të detyrës”, shtetasit A. M., 32 vjeç, F. M., 21 vjeç dhe T. Q., 47 vjeç, banues në Fier, pasi duke drejtuar automjetet tip “Porsche” dhe “Ferrari”, nuk i janë bindur punonjësve të Policisë së Rendit publik duke i kundërshtuar me dhunë dhe i kanë kanosur për shkak të detyrës. Pas testit të alkoolit rezultoi se shtetasi A. M. drejtonte mjetin në gjendje të dehur.
Specialistët për Hetimin e Krimeve në Komisariatin e Policisë Fier, gjatë kontrollit të territorit në fshatin Tojkan, Cakran, kanë konstatuar të mbjella disa bimë narkotike cannabis sativa. Nga hetimet e kryera ka rezultuar se autor i tentativës për kultivim është shtetasi A. I., 50 vjeç, banues në fshatin Tojkan, i cili u arrestua për veprën penale “Kultivimi i bimëve narkotike”.
Specialistët e Sektorit të Qarkullimit Rrugor në DVP Fier arrestuan në flagrancë shtetasin T. M., 18 vjeç, banues në Mallakastër, pasi u kap duke drejtuar automjetin tip “Benz” i papajisur me leje drejtimi.
Nga shërbimet e Komisariatit të Policisë Fier u bë kapja e shtetasit të shpallur në kërkim E. (B). M., 27 vjeç, banues në Fier, për veprën penale “Plagosja e lehtë me dashje”, e kryer në bashkëpunim.
27-vjeçari iu dorëzua shërbimeve të DVP Vlorë, për veprime të mëtejshme.
Materialet i kaluan Prokurorisë, për veprime të mëtejshme procedurale. /Ra.My.Fjala.al/
