Zhdukja e tre të rinjve ka vënë në lëvizje policinë e Malësisë së Madhe pas denocimit që ka bërë shtetasi O.Ç. se ka humbur kontaktet me Vilson Çutaj dhe dy kushurinjtë e tjerë Klement dhe Danjel Pepaj.
Nga hetimet e deritanishme mendohet se dy prej tyre mund të jenë vrarë pas një konflikti për parcelat e hashashit, policia nuk e përmend një fakt të tillë në njoftimin e saj.
NJOFTIMI
Më datë 04.10.2020, rreth orës 17:30, në Komisariatin e Policisë Malësi e Madhe, ka bërë kallëzim shtetasi O. Ç., banues në fshatin Bajzë, Malësi e Madhe, se me datë 03.10.2020, rreth orës 15:00, ka humbur kontaktet me vëllain e tij shtetasin V. Ç. 37 vjeç, banues në fshatin Bajzë, Malësi e Madhe, dhe me dy afërmit e tij (kushërinjë) shtetasit K. P. 21 vjeç, dhe D. P. 25 vjeç, të dy me banim në fshatin Vrith, Malësi e Madhe.
Shërbimet e Policisë pas kallëzimit të bërë nga shtetasi O.Ç, kanë nisur kontrollet për gjetjen e këtyre shtetasve. /Ra.My.Fjala.al/
