Anëtarësia e Partisë Demokratike ka votuar për kandidatët për deputetë në gjashtë qarqe të vendit, ku bie në sy përjashtimi i shumë emrave që më parë kanë qenë deputetë ose kandidatë për deputetë. Në Kukës, Lezhë, Berat dhe Gjirokastër, thuajse e gjithë lista e kandidatëve për deputetë në zgjedhjet e vitit 2017 nuk kanë marrë votën e anëtarësisë, po ashtu edh eish-kryebashkiakët nuk morën aprovimin. Shkodra dhe Dibra ruajnë disi balanca. Surpriza pritet edhe në qarqet e tjera të vendit. Lista e plotë me të kualifikuarit dhe skualifikuarit nga procesi i përzgjedhjes.
Të lexosh votën e shqiptarëve nga do anojë më 25 prill të vitit të ardhshëm, sot duket e vështirë, gati në kufijtë e një falli politik, por të deshifrosh qartë votën e anëtarësisë në përzgjedhjen e kandidatëve në zonat e tyre, ky është një material i bollshëm dhe një thirrje që vjen nga zëri i militantëve të thjeshtë. Këtë “fat” duket se e ka PD e cila në pragun e këtyre zgjedhjeve ka sjellë të paktën dy risi. Anëtarësia ka të drejtën e përzgjedhjes për kanditatë për deputetë, duke aplikuar formën “një anëtar një votë”, por në këtë rast nuk zgjidhen kryetarët e degëve, por kandidatët për deputetë. Në gjashtë qarqe, anëtarësia e PD-së foli, duke pasur të drejtën që të votojë kandidatët që preferon që nesër t’i ketë në Parlament, por edhe të eleminojë emra që sipas anëtarësisë nuk e meritojnë të jenë përfaqësuesit e tyre. Në zonat ku ka përfunduar procesi i përzgjedhjes së kandidatëve ka një domethënie e cila sot duhet të vlejë për kreun e PD-së Lulzim Basha. Disa emra të “stazhionuar” në PD nuk figurojnë fare në listën e të përzgjedhurve të anëtarësisë, por edhe ish-drejtues lokal, kryesisht në bashki, nuk siguruan votën e qytetarëve që mbajnë në duar teserën e Partisë Demokratike. Po çfarë tregon vota e anëtarësisë? Vetë demokratët, ndonëse betejën e kanë me kundërshtarin e përhershëm politik Partinë Socialiste, në përzgjedhjen e kandidatëve të saj duket se ka qenë mjaft sqimatare. Së pari ka larguar disa nga emrat të cilët prej vitesh ishin “abonuar” si kryetarë bashkie, apo edhe deputetë. Më pas harroheshin, duke i rrëmbyer pushteti, apo edhe shkëputja me njerëzit që i zgjodhën. Pikërisht këtë fakt anëtarësia e PD-së nuk e ka harruar dhe votimet në katër nga gjashtë qarqe ku ka përfunduar i gjithë procesi, tregojnë se shumë emra janë skualifikuar. Vetë anëtarësia kërkon ndryshim dhe para se ta kërkojë me votë tek kundërshtari politik, po e bën brenda radhëve të saj. Gjithashtu shihet edhe një afrim më i madh nga radhët e shoqërisë civile, të cilët më parë nuk kanë milituar me PD-në, por nga anëtarësia shihen si figura të cilët mund ti përfaqësojnë denjësisht në parlamentin e ardhshëm. Nëse merret që nga fillimi procesi i filtrimit, ai kaloi një provë jo të vogël. Komisioni i Vlerësimit në PD, përbëhej nga emra të njohur si ish-presidenti Bujar Niashani, ish-ministri i Jashtëm Besnik Mustafaj, ish-ministri i Bujqësisë Genc Ruli dhe pedagogët Mark Marku dhe Enriketa Papa. Nga rreth 3000 emra të propozuar nga lista e parë e anëtarësisë, prej tyre u përgjodhën 960, të cilët tashmë do të riprovohen po nga anëtarësia dhe në fund sërish nga kryesia e PD-së.
Katër qarqet që “shkundën” PD-në, nga baza në qendër
Prova e parë e zgjedhjeve të kandidatëve për deputetë brenda PD-së ishte Kukësi. Surpriza u regjistrua që në momentet e para. Pjesëmarrja e lartë në votimet brenda PD-së tregoi se ka një hapje të partisë dhe një vlerë më shumë që i jepet anëtarësisë. Në listën e kandidatëve mungonin emrat e mëparshëm të kandidatëve për deputetë, duke përfshirë edhe Flamur Nokën. Ikja e tij nga Kukësi u “lexua” se për të kishte nevojë më shumë partia në Tiranë dhe në këtë pikë kjo “lëvizje” konsiderohet si me “ngritje në detyrë”… Por sërish anëtarësia në Qarkun Kukës dha suprizën e radhës. Nga kandidatët e perzgjedhur në raundin e parë, u skualifikuan dy prtej tyre dhe ishin emra të cilët në pushtetin e atjeshëm ishin kthyer në “të zgjedhur të përhershëm”. Ish-kryebashkiaku i Kukësit Bashkiam Shehu dhe ai i Tropojës Besnik Dushaj nuk e kaluan provën e anëtarësisë, duke u skualifikuar në mënyrë të beftë. Të gjithë emrat e përzgjedhur janë personazhe jo shumë të angazhuar politikisht, por me reputacion në zonën e tyre dhe për më shumë vijnë si pjesë e shoqërisë civile. I njëti trend u ndoq edhe në Gjirokastër, Berat, apo Lezhë, ku thaujse të gjithë kandidatët e mëparshëm për deputetë u skualifikuan që në votimin e parë, ndërsa prurjet e reja vijnë edhe nga bota akademike, shoqëria civile, apo drejtues lokal të PD-së. Shkodra i ka qëndruar disi me përpikmëri listës së mëparshme dhe emrave që kanë zgjedhur për përfaqësim. Edhe aty ka prurje të reja, por gjithsesi edhe një pjesë e kandidatëve për deputetë të zgjedhjeve të shkuara të vitit 2017 e gjejnë veten në votimet e fundit të anëtarësisë së PD-së. Në Lezhë dhe Dibër ka një miksim, por shumica e ish-kandidatëve për deputetë në këtë qark janë skualifikuar. Bie në sy edhe largimi thuajse të i të gjithë ish-kryebashkiakëve që pavarësisht se dikur ishin “të plotfuqishmit lokal”, nuk ngjitën në elektorat, përfshi edhe pjesën “militante” të anëtarësisë, e cila nevojën për ndryshim, duket se po e nis nga të përzgjedhurit e saj.
A do ta “lexojë drejt” frymën e anëtarësisë kryedemokrati Basha?
Ndërsa në KQZ në zgjedhjet e vitit 2017 listat e kandidatëve të PD-së në 12 qarqe u dorëzuan vetëm dy minuta para skadimit të afatit të fundit, kryedemokrati Lulzim Basha, dukshëm i lodhur deklaroi fare shkurt se: “kjo është hera e fundit që kryetari i PD-së, do i propozojë listat vetë”. U duk thjesht një reagim momental, por këtë premtim kreu i PD-së duket se po e mban. Prej gjashtë muajsh Partia Demokratike po kalon një rifreskimi të brendshëm, ku kandidatët që mëtojnë të jenë nesër në Parlament më përpara duhet të kalojnë nga anëtarësia, më pas tek kryesia. Deri tani anëtarët e thjesht të PD-së janë treguar shumë më vizionarë se vetë “elita” e cila nëse vërtetë dëshiron të maksimalizojë votën, atëherë më së pari duhet të dëgjojë ata. Deri tani, listat e mbyllura ishin privilegji më i madh në duart e kryetarëve, ku po ata përcaktonin fatin politik të shumë individëve, ndërsa anëtarësia thjesht i votonte, edhe individë të cilët nuk kishin asnjë lidhje me zonën e tyre. Ndonëse Basha aktualisht është i angazhuar me “politikën makro” të PD-së, (kryesisht në premtime dhe afishim program politik) duhet të bëhet më mkikro në gjykim, pasi leximi i frymës që vjen nga anëtarësia e thjesht mund të jetë shumë më e fortë se një grup individësh me llafologji mediatike, por që nuk ngjisin në elektorat. Votimi në gjashtë qarqe të vendit është një tregues që vetë elita e PD-së dhe kryesia e saj duhet të dijë mirë ta lexojë.
Qarku Kukës, përzgjedhja e anëtarësisë 2020
Numri i anëtarëve me të drejtë vote: 1365 anëtarë
Pjesëmarrja në votime: 949 anëtarë ose 69,5 %
1.ADMIR SINAMATI
2.ARBEN ÇEJKU
3.IBRAHIM BRUKA
4.SAHIT PRIZRENI
5.VJOLLCA VATA
Skualifikohen:
1.Bashkim Shehu
2.Besnik Dushaj
Kandidatët për deputetë të qarkut Shkodër 2017
1.FLAMUR NOKA (i zgjedhur)
2.ISUF CELAJ (i zgjedhur)
Kandidatë jo fitues
3.ALBAN ZENELI
4.MIFTAR DAUTI
Qarku Dibër, përzgjedhja e anëtarësisë 2020
Dega Mat:
- BASIR ÇUPA
- DEA KAZIU
- DENISA VATA
- DHURATA ÇUPI
- KRESHNIK ÇOLLAKU
- LINDITA DODA
- NEZIR RIZVANI
Dega Dibër:
- ALBERT KOJKU
- ILIR HYSA
- JETON KALOSHI
- LUAN HAKA
- MIRELA MAZARI
- NEHAT COLLAKU
- XHEMAL GJUNKSHI
Dega Bulqizë:
- BARDHYL RAMA
- DURIM BALLA
- EDMOND ISAKU
- FLLANXA LOSHA
- MUIS LLANAJ
- PETRIT DODA
Skualifikohen:
Agron Qoku
Bajram Balliu
Kandidatët për deputetë të qarkut Dibër 2017
1.DHURATA CUPI (TYLI) (e zgjedhur)
2.XHEMAL GJUNKSHI (i zgjedhur)
Kandidatë jo fitues
- EDMOND ISAKU
- AGRON QOKU
- DENISA VATA
- HALIL JAKIMI
- JETON KALOSHI
- AFRIM POCESTI
- BASHKIM MURATI
Qarku Lezhë, përzgjedhja e anëtarësisë 2020
Pjesëmarrja 60 %
Dega Lezhë:
ALKETA MARKU
ALTIN MEMA
ANILA FRROKU
ARBEN NDOJ
DAVID SYKU
DOD ZHUBA
FRANGA HILA
GJOK VUKSANI
GJOVALIN GJELOSHI
LINDITA METALIAJ
PETRIT MARKU
ROZA HILA
SALVADOR KAÇAJ
SEVELIAN KOSOVA
SILVANA KOLZIU
SOKOL NDOKA
Dega Mirditë
ALBERT MELYSHI
ALEKSANDER LALA
ALFRED DUKA
DORIAN GJOMARKAJ
EVEREST DEDAJ
GJERGJ PRENGA
GJON PJETRI
Dega Kurbin
ANDON FRROKAJ
ELTON LASKA
GENC DOCI
INDRIT VOKSHI
KASTRIOT PREND PIROLI
LINDITA TOMA
LUIGJ ISUFI
MARJAN TUCI
Kandidatët për deputetë të qarkut Lezhë 2017
1.ALDO BUMCI (i zgjedhur)
2..LINDITA METALIAJ (e zgjedhur)
3.ANDON FRROKAJ (i zgjedhur)
Kandidatë jo fitues
5.PREC ZOGAJ
6.MARTIN BIBA
7.LUIGJ GJERGJI
8.ENKELEJDA RICA
9.KLAJTI RECI
10.ALBERT LOCI
Qarku Shkodër, përzgjedhja e anëtarësisë 2020
Dega Shkodër
ARBEN GJURAJ
ARTAN HAXHI
BARDH SPAHIA
BASHKIM RROJI
BENARDETA SYKU
BLENDI GJYLBEGAJ
EMILJANO PJETRI
FLORIAN BJANKU
GRETA BARDELI
HELGA SALLAKU
HELIDON BUSHATI
12.IMELDI SOKOLI
13.IZMIRA ULQINAKU
14.LEDINA MANDIJA
15.LORENC LUKA
16.MARK RUPA
NDOC ASHTA
18.NESTI KIRI
19.NEVILA BUSHATI
20.RAMIZ ÇOBAJ
ROMEO GURAKUQI
22.VOLTANA ADEMI
23.XHEMAL BUSHATI
Dega Vau i Dejës
GJOK ULDEDAJ
MARIN TUKAJ
PJETER LLESHI
ZEF HILA
Dega Malësi e Madhe
ALDO GEGA
AUREL MARKAJ
ERMIRA COBAJ
FATBARDH ZEKAJ
RAMADAN LIKA
Dega Pukë
ANTONETA ZAJA
GEZIM VATA
HIL KOLA
LODOVIK HASANI
NDOC FASLIA
PREL GJONI
RROK DODA
Skualifikohen:
1.Prel Gjoni
- Marin Tukaj
Kandidatët për deputetë të qarkut Shkodër 2017
1.ROMEO GURAKUQI (i zgjedhur)
2.IZMIRA ULQINAKU (i zgjedhur)
3.LORENC LUKA (i zgjedhur)
4.BARDH SPAHIA (i zgjedhur)
5.NARD NDOKA (i zgjedhur)
Kandidatë jo fitues
6.GJOKË ULDEDAJ
7.ANTON KOKA
8.PRELË GJONI
9.ISUF META
10.BENARDETA SYKU
11.ARVIT BUSHATI
12.ARDIT ÇYLYBYLI
13.DENIS FANI
14.AUREL MARKAJ
15.DENISA MEÇI
16.ORJETA SHKAMBI
17.NIKOLIN STAKA
18.ZEF SHTJEFNI
Qarku Berat, përzgjedhja e anëtarësisë 2020
Numri i anëtarëve me të drejtë vote: 1380 anëtarë
Pjesëmarrja në votime: 827 anëtarë ose 59,9 %
1.AFIZE SKENDO
2.ALKETA MUKAVELATI
3.ARENC BERATI
4.DENIS SAHATCIU
5.DRITAN HAZINEDARI
6.ENO QANA
7.KASEM MAHMUTAJ
8.MUHARREM HOXHA
9.NAMIR LAPARDHAJA
10.OLTION MERDARI
Skualifikohet:
1.Astrit Veliaj
Kandidatët për deputetë të qarkut Berat 2017
1.EDUARD HALIMI (i zgjedhur)
Kandidatë jo fitues
2.ASTRIT VELIAJ (zëvendëson Halimin)
3.LEFTER MALIQI
4.BUJAR HOXHAJ
5.MYSLIM HAXHI
6.JUVINA JANI
7.MONIKA QOSJA
Qarku Gjirokastër, përzgjedhja e anëtarësisë 2020
-Numri i anëtarëve me të drejtë vote: 975 anëtarë
-Pjesëmarrja në votime: 618 anëtarë ose 63,3 %
1.ADIL XHELILI
2.ALIJE KOKALARI
3.ALTIN ÇOMO
4.ANTONELA LENA
5.BEQIR GJIKA
6.BESNIK ALIAJ
7.ENTELA SHEHAJ (FICO)
8.NIKOLLA ZHULLA
9.ROLAND BEJKO
10.SHEMSHO LAMAJ
11.TRITAN SHEHU
Kandidatët për deputetë të qarkut Berat 2017
1.TRITAN SHEHU (i zgjedhur)
Kandidatë jo fitues
2.ROLAND BEJKO
3.KOCO BARKA
4.BESNIK ALIAJ
5.QAMIL XHELILI
6.MIMOZA COMO
7.FATJONA DHIMITRI
8.ARJAN KASAJ
9.VJOLLCA LUKE/Bl.Ba/Fjala.al
