Kryetari i Bashkisë së Tiranës, Erion Veliaj komentoi hapjen e listave duke thumbuar opozitën.
I ftuar në emisionin “Open”, Veliaj u shpreh se opozita e ka mendjen te renditja në lista, ndërsa qeveria e ka mendjen te listave e halleve të qytetarëve.
“Ata e kanë mendjen te renditja në listë. Në cilën listë jam, ku e kam vendin në listë. Ndërsa ne e kemi mendjen te lista e halleve të qytetarëve. Ne e kemi mendjen te lista e shtëpive që do ndërtojmë pas tërmetit. Opozita flet për listat elektorale. Ne flasim për një tjetër listë, shkollat që ndërtojmë, shtëpitë që po u japim çelësat. Ne kemi dy anë, një anë që po flet për listat dhe një për punën. Në orën 4 të mëngjesit kur bie tërmeti, kush i jep dum këtij muhabeti. Një që kthehet dhe fle nga ana tjetër, apo një person që thotë ku janë zjarrfikëset, strukturat”, theksoi ai ndër të tjera.
Pa.Va/Fjala.al
