Ministri i Brendshëm Sandër Lleshaj ka deklaruar sot se policët që dalin pa punë nga reforma në Policinë e Shtetit, do t’i dërgojnë të punojnë roje në shkolla.
“Kemi shumë punonjës që janë të vjetër në moshë dhe shërbejnë në ruajtjen e objekteve. E dimë se kemi pasur incidente në shkolla. Ndaj ata do të kalojnë në ruajtjen e këtyre objekteve”, tha Lleshaj në komision.
Në projektligjin e ri i cili ka kaluar në Komisionin e Ligjeve është vendosur krijimi i Komitetit Kombëtar të Politikave për Parandalimin dhe Luftën Kundër Krimit të Organizuar.
Në këtë draft parashikohet një reformë e thellë në Policinë e Shtetit, ku një pjesë e madhe oficerëve dhe policëve sipër moshës 55 vjeç dalin në reformë për t’u zëvendësuar me të rinj.
Në radhët e policisë do të ketë edhe kritere të rrepta të normave fizike të formës trupore. Për këto policë, dikur doli edhe një dokument policie që i quajti “policë barkderrë”./Jo.Be/Fjala.al
