Los Angeles Lakers i afrohen gjithnjë e më shumë titullit kampion në NBA pasi ia kanë dalë të fitojnë me shifrat 102-96 në finalen e katërt ndaj Miami Heat, duke e çuar rezultatin e përgjithshëm në 3-1, teksa tani janë vetëm një fitore larg triumfit të madh.
Në “Advent Health Arena” të Orlandos, u zhvillua një sfidë interesante, që nisi mjaft mirë për Lakers. Miami Heat vinte pas një fitoreje, por dyshja Lebron James dhe Anthony Davies treguan një formë të shkëlqyer duke dominuar ndeshjen dhe siguruar fitoren për kalifornianët.
Lebron dha paraqitjen më të mirë të takimit, më 38 pikë të shënuara, 12 topa të rikuperuar dhe 8 asiste. Një performancë të mirë bëri dhe Anthony Davies, me 22 pikë të shënuara , 9 rikuperime dhe 4 asiste.
Përballja e radhës do të zhvillohet në mbrëmjen e 9 tetorit, sërish në “Advent Health Arena” të Orlandos, ndërsa Lakers mund të kurorëzohen kampionë të NBA nëse marrin një tjetër sukses.
La.Mi/Fjala.al
