Ish-numri dy i PD-së, Jozefina Topalli ka reaguar për anëtarët e rinj të KQZ-së. Përmes një statusi në rrjetin social “Facebook”, thekson se votimi i anëtarëve të KQZ-së, është marrëveshje e hapur mes dy palëve Basha-Rama.
Sipas Topallit, në një akt të turpshëm, Basha votoi ministrin e Edi Ramës dhe rrëzoi zëvendës kryeministrin e Partisë Demokratike, Ilir Rusmailin.
Statusi plotë i Topallit:
Para dy ditësh në Parlament, Rama në marrëveshje me Bashën votoi emrat e KQZ-së së re.
Sikur Basha te kishte kontestime për ndryshimet Kushtetuese apo për mbylljen e listave përmes hapjes së rreme , ky i fundit nuk do të kishte dërguar në Kuvend emrat e tij.( Emra që morën votën e Ramës)
Përkundrazi, ata ishin në sintoni për çdo gjë.
I vetmi kontestim që Basha kishte, ishte Ilir Rusmaili.
Në një akt të turpshem, Basha votoi ministrin e Edi Ramës dhe rrëzoi zëvendëskryeministrin e Partisë Demokratike.
Ilir Rusmaili është njohësi më i mirë i zgjedhjeve, është profesor i së Drejtës Kushtetuese. Ai i është bashkëngjitur Partisë Demokratike që prej 3 dekadash.
Një ndër mendjet më brilante të kësaj partie .
Votimi i Bashës për ministrin e Ramës me kujtoi marrëveshjen e 2017 kur lB detyroi grupin parlamentar të votojë listën e vetingut që fillonte nga Ina Rama deri tek militantët më famos të Kryeministrit.
Sa bukur merren vesh shahistët për të ruajtur karriget e tyre.
Meritokracia, vlera , parimet e dija nuk kane asnjë vlerë për ta!
La.Mi/Fjala.al
