Të dielën e shkuar sfida mes dy Juventusit dhe Napolit ishte çështja që shkaktoi shumë polemika në kampionatin Italian. Skuadra napoletane nuk udhëtoi në Torino për shkak të rasteve pozitive me Covid-19. Në mediat italiane u fol gjerë e gjatë për masa ndëshkimore ndaj Napolit dhe fitoren 3-0 në tavolinë për bardhezinjtë, por deri tani nuk ka asgjë përfundimtare.
E teksa të gjithë po prisnin që sot të jepej vendimi për këtë çështje, nuk ndodhi aspak kështu. “Sky Sport” shkruan se vendimi për ndeshjen u pezullua për ditën e sotme dhe do të vendoset javet e ardhshme. Drejtuesit e ligës kanë kërkuar që të marrin më shumë kohë për këtë çështje. Ata duan të studiojnë më shumë rastin, pasi është mjaft i ndërlikuar dhe shumë delikat për të dyja skuadrat dhe mund të krijojë një precedent në Serie A
Napoli nuk udhëtoi drejt Torinos për ndeshjen e programuar për Serie A, pasi autoritetet lokale ndaluan skudrën e Gennaro Gattusos. Mesa duket kjo do të jetë një temë që do të vazhdojë të prodhojë debate në Serie A.
Pa.Va/Fjala.al
