Disa ditë më parë historia e abuzimit seksual të një 14-vjeçareje nga Drenasi i Kosovës tronditi opinion publik në të gjithë vendin.
Sipas raportimeve në media 14-vjeçarja u abuzua nga i dashuri i nënës së saj dhe kjo e fundit ishte në dijeni për gjithçka.
Fakte të reja janë zbardhur mbi këtë ngjarje të rëndë. Mediat kosovare raportojnë se burri dhe gruaja po dyshohen për trafikim të qenieve njerëzore.
Ata po dyshohen për pesë raste të trafikimit të qenieve njerëzore.
Nëna në momentin që takohej me të dashurin e saj, e merrte edhe vajzën me vete. I dashuri i gruas e ka shfrytëzuar situatën dhe me dijeninë e nënës ka kryer marrëdhënie seksuale me 14-vjeçaren.
Babai i të miturës, i cili njëkohësisht është edhe burri i gruas së dyshuar ka të meta mendore, por çifti i martuar kanë edhe fëmijë të tjerë.
Vajza e mitur aktualisht gjendet në strehimore, ndërsa po shqyrtohet mundësia që edhe fëmijët e tjerë të gruas të merren nën përkujdesje të shtetit./Jo.Be/Fjala.al
