Mediat kanë bërë publike videon e një shqiptari 21-vjeçari i cili ka tentuar ti marrë armën policit grek.
21-vjeçari shqiptar ka bërë rezistencë ndërkohë që policia greke kishte shkuar ta arrestonte pas përfshirjes në një sherr.
Ngjarja ka ndodhur mbrëmnjen e djeshme në Katerini, në Sheshin Eleftherias pas një sherri mes shitësve.
“Situata e tensionuar ndodhi midis shitësve në Sheshin Eleftherias, në qendër të qytetit. Dikush lajmëroi policinë. Kur policia arriti në vendngjarje, sherri kishte mbaruar, ndërsa forcat policore nisën të kontrollojnë personat që gjendeshin aty”, shkruajnë mediat greke.
Policët kanë filluar të kontrollojnë shqiptarin 21 vjeç, kur në ndihmë të tij kanë ardhur një i ri tjetër shqiptar e një grek.
Gjatë rezistencës, i riu 21 vjeçar madje qëlloi me armë, por plumbat fatmirësisht nuk prekën askënd. Të tre protagonistët u arrestuan. Për më tepër, shikoni videon.
