Kryetari i PD Lulzim Basha ishte në Lushnje sot ku takoi biznesmenë që treguan problemet sa i takon subvencionimeve për fermerët, çmimin e naftës dhe ryshfetet.
Lideri i demokratëve tha se plani i PD e ‘godet’ në zemër problemin dhe premtoi se me ardhjen e tij në qeveri, do të luftohen monopolet dhe evazioni, do ulet çmimi i naftës, dhe do rritet cilësia e saj.
“Kam hasur shumë vështirësi në këto 4 vjet që kur hapa biznesin jam luftuar nga kjo qeveri shumë. se dikush tjetër që është bashkë me qeverinë që investon nga 8 mln euro, e ka lisho rrugën hapur. Merr nga AZHBR 8 mln euro, 3 mln investohen se 5 mln zhduken.
Problem me naftën, në Maqedoni i del kosto 1 mijë lekë, si është 1600 lekë këtu, më rrit koston. Goditje mbas goditjesh, në fushatë e ndihmojnë, se marrin miliona euro. Kur më thanë se do vijë kryetari Basha këtu, mendova dhe falimentimin tim për 6 muaj, thashë okej, do rri dhe pa punë”, tha Fermeri.
Në përgjigje të tij kreu i opozitës Basha tha se “ Askush s’ka për të punuar në Shqipëri po nuk i dhamë fund të keqes. Plani jonë për ekonominë s’realizohet po si dhamë mbështetjen totale bujqësisë, ti më konfirmove ato që unë kam 5-6 vjet që i dëgjoj, këto subvencione i marrin pikat e grumbullimit thonë fermerët, s’je i pari , me dhjetra të tillë në gjithë Shqipërinë më thonë këtë, u japin 8, 5 i fusin në xhep.
Do ulim çmimin e naftës, do rivendosim cilësinë, prapë do i shtojmë arkës 50 mln euro në vit duke luftuar evazionin, me këto do kemi shumë më shumë para duke u ardhur në ndihmë fermerëve.
Këto plane do vihen menjëherë në veprim, siç e the vetë këto janë muajt e fundit të së keqes, rëndësi ka të jemi bashkë e ta kuptojnë edhe ata të rinjtë atje. Do dy- tre fishosh mundësitë për të punësuar me këto masa. Plani jonë godet në zemër të problemit.”./Bl.Ba/Fjala.al
