Uruguaji mund në fund Kilin 2-1, Lionel Mesi i jep 3 pikët Argjentinës ndaj Ekuadorit, Paraguaji dhe Peruja ndajnë pikët.
Botërori i Futbollit “Katar 2020” ka nisur rrugëtimin e tij në Rrjetin e Radio-Televizionit Shqiptar dhe transmetuesi publik ka sjellë për sportdashësit drejtpërdrejt në kanalin RTSH Sport, dy përballjet më të spikatura të Eliminatoreve të zonës së Amerikës Latine.
Në takimin e parë, Uruguaji ka mposhtur 2-1 Kilin, në një përballje që u vendos vetëm në fund.
Vendasit kaluan në epërsi 5 minuta para fundit të pjesës së parë, kur Luis Suarez u tregua i saktë nga pika e bardhë. Pjesa e parë u mbyll me epërsinë minimale të vendasve, por në të dytën, në minutën e 55-të, Aleks Sançez barazon shifrat për miqtë.
Megjithatë, uruguaianët do ta gjejnë fitoren në fund, me një gol të Maksimiliano Sançezit, duke siguruar 3 pikët e para. Ndërkaq, në takimin tjetër të sjellë drejtpërdrejt nga RTSH Sport, Argjentinës i ka mjaftuar një gol i vetëm, i shënuar në minutën e 13-të nga pika e bardhë e 11-metërshit nga Lionel Mesi, për të marrë të 3 pikët ndaj Ekuadorit.
Ndërkaq, në takimin tjetër të luajtur në kuadër të kësaj zone, Paraguaji dhe Peruja kanë shënuar nga 2 gola dhe kanë ndarë nga një pikë secila./Bl.Ba/Fjala.al
