Kreu i grupit parlamentar të Partisë Socialiste, Taulant Balla i shoqëruar nga kryebashkiaku i Cërrikut, Andis Salla inspektuan punimet në fshatin Topojan të njësisë administrative Mollas. Bashkia e Cërrikut ka nisur sistemimin e aksit rrugor 8 km të gjatë.
Balla i garantoi banorët se pas rrugës, do të zgjidhet edhe problemi me transportin e fëmijëve në shkollë, ndërsa puna e bashkisë do të vijojë në çdo fshat duke ju gjendur pranë njerëzve për çdo shqetësim dhe shërbim që kanë nevojë.
“Banorët punëtorë të kësaj zone e kanë bërë punën e tyre dhe mjafton të shohësh kodra të tëra të mbjella me ullinj dhe asnjë sipërfaqe djerrë, për të kuptuar se kjo është një zonë punëtore, ndërsa nga shteti kërkohen shërbimet bazë, si ky aks rrugor në të cilin nuk ishte vënë dorë prej 30 vitesh”, theksoi ai ndër të tjera.
Pa.Va/Fjala.al
