Mund në 3 sete Gjokoviçin dhe barazon Rozher Federerin për titujt madhorë të fituar. Rafael Nadal ka fituar të dielën titullin e 20-të sa u përket turneve madhorë, të njohur ndryshe si “Grend Slem”-e, duke barazuar kështu rekordin e Rozher Federerit me 20 të tillë. Tenisti spanjoll bëri një nga paraqitjet e më të mira të tij në një “Grend Slem”, duke e mposhtur bindshëm, në vetëm 3 sete, rivalin Novak Gjokoviç, në finalen e turneut francez.
Një paraqitje thuajse e përkryer e Rafael Nadalit i ka siguruar atij trofeun e 13-të të “Roland Garros”, si dhe i ka mundësuar të fitojë titullin e 20-të sa u përket turneve madhorë, të njohur ndryshe si “Grend Slem”-e, duke barazuar kështu rekordin e Rozher Federerit me 20 të tillë. Tenisti spanjoll bëri një nga paraqitjet e më të mira të tij në një “Grend Slem”, duke e mposhtur bindshëm rivalin Novak Gjokoviç dhe duke fituar për një numër rekord turneun francez, të famshëm për sipërfaqen e tij të lojës me dhe të kuq.
Ishte hera e parë, që nga janari i këtij viti, që Nadali dhe Gjokoviçi përballeshin me njëri-tjetrin dhe spanjolli e nisi në mënyrën më të mirë këtë përballje, duke kryesuar 4-0 me lojë. Pavarësisht përpjekjeve të tij më mira, Gjokoviçi nuk kishte asnjëlloj përgjigjjeje përballës lojës së shkëlqyer të Nadalit, që e merr setin bindshëm, 6-0. Dhe, vetëm pas 55 minutash lojë, Gjokoviçi fitoi lojën e tij të parë, por e e gjeti veten sërish përballë sfidës së spanjollit, kur Nadali nisi të merrte në dorë frenat e lojës.
Dhe 34-vjeçari u shkëput sërish, duke e fituar setin e dytë, 6-2, dhe duke qenë kështu vetëm një set larg historisë. Seti i 3-të e pa Gjokoviçin të zgjohej dhe të luftonte dhëmb për dhëm me Nadalin, duke e çuar ndeshjen në lojët shtesë, por spanjolli nuk lëshoi, madje e mbylli setin dhe me një “ace”, një pikë direkt nga shërbimi, duke korrur edhe fitoren në 3 sete, në dy orë e 42 minuta dhe duke siguruar vendin në histori./Jo.Be/Fjala.al
