Kryeministri Edi Rama, i shoqëruar nga kryebashkiaku i Krujës, Artur Bushi, inspektoi nga afër punimet për ndërtimin e banesave për familjet që kanë mbetur pa shtëpi nga tërmeti i 26 nëntorit.
Gjatë fjalës së tij Rama u shpreh se ndërtimet duhet të bëhen sa më shpejt të jetë e mundur, duke shtuar se ndërtesat e reja do të jenë më të mira.
“E dimë se puna vështirëson punën, por do ta bëjmë këtë sakrificë, sepse nuk duhet të vonohemi më tutje për asnjë shkak, sa të kemi mundësinë. Ndërtesat e reja do jenë shumë më mirë nga se ishin. Po ecim mirë edhe në Thumanë e Bubq”, u shpreh Rama.
Nga ana e tij Artur Bushi tha se: “Po ndërtojmë 128 shtëpi individuale. Po bëhet bazamenti i banesave dhe ka nisur ndërtimi. Jemi në fazën e fillimit të procedurave për apartamentet në pallate”.
Ajo që u vu re gjatë inspektimit ishte fakti se kryeministri nuk ka preferuar të mbajë çadër, por vetëm një mushama me kapuç, ndërsa mbante në fytyrë një maskë të zezë më lule të kuqe./Bl.Ba/Fjala.al
