Kanë shpërthyer sërish luftime te reja midis forcave të Armenisë dhe Azerbajxhanit.
Palët kanë akuzuar njëra-tjetrën për shkelje të armëpushimit i cili u ndërmjetësuar nga Rusia.
Luftimet mes dy shteteve vazhdojnë për rajonin e shkëputur të Nagorno Karabakut.
Ministria e Mbrojtjes e Azerbajxhanit e akuzoi palën armene për mosrespektimin e marrëveshjes humanitare të armëpushimit, të negociuar më 10 tetor në Moskë, duke thënë se ajo “vazhdimisht ka bërë përpjekje t’i sulmojë pozicionet e ushtrisë së Azerbajxhanit”.
Në anën tjetër, zyrtarët armenë në Nagorno-Karabak thanë se 45 ushtarë janë vrarë në luftimet me Azerbajxhanin, duke e çuar në 525 numrin e përgjithshëm të ushtarëve të vrarë qëkur kanë nisur luftimet më 27 shtator.
Këto janë luftimet më të rënda që nga armëpushimi i vitit 1994 midis Armenisë dhe Azerbajxhanit.
Qindra ushtarë dhe civilë raportohet të jenë vrarë.
Zyrtarisht pjesë e Azerbajxhanit, rajoni i Nagorno Karabakut qeveriset nga armenët etnikë.
Është e paqartë se çfarë i ka shkaktuar luftimet e fundit. /Ra.My.Fjala,al/
